koorno.com Wararka Ciyaaraha
Fabrizio Romano ayaa shaaca ka qaaday go’aanka ay Tottenham ka gaartay mustaqbalka tababare Roberto De Zerbi, kadib markii la is weydiiyay in kooxda ay shaqada ka cayrin doonto iyo in kale.
Kulan kale, guuldarro kale oo Tottenham soo gaartay, Spurs waxay hadda u muuqdaan koox aan waxba u hagaagin, iyadoo aan loo Eegin inta lacag ah ee ay bixiyaan, ciyaartoyda ay soo iibsadaan ama qofka kursiga tababaraha u fadhiya.
Waxaa laga yaabaa in waxa kaliya ee wanaagsan ee ka dhacay guuldarradii 3-2 ahayd ee ay Tottenham kala kulantay Aston Villa ay tahay in ugu dambeyn ay Premier League ka dhaliyeen goolal kadib markii ay muddo ku fashilnaayeen inay shabaqa soo taabtaan.
Si kastaba ha ahaatee, xaqiiqadu waxay tahay in Tottenham ay hadda ku jirto aagga looga laabto heerka labaad (Relagation), halkaasna ay sii joogi doonaan ilaa May haddii uusan De Zerbi helin hab uu ciyaartoydiisa wax uga beddelo, ama kooxdu aysan helin tababare kale oo sidaas sameyn kara.
Bilowgan aadka u liita ayaa sababay in warbaahinta qaar ay su’aal geliyaan mustaqbalka Roberto De Zerbi ee Tottenham, Laakiin sida uu sheegay khabiirka suuqa kala iibsiga Fabrizio Romano, Tottenham weli diyaar uma aha inay BAQDIN OO GO’AAN DEGDEG AH QAADATO.
Tottenham wali waxay aaminsan tahay mashruuca Roberto De Zerbi –
🗣️ Fabrizio Romano oo YouTube-ka ka hadlayay ayaa yiri:
“Tottenham waxay xagaagii go’aansatay inay taageerto Roberto De Zerbi, iyagoo aaminay fikradihiisa.. Dabcan, wax walba ma aysan suuragelin, laakiin weli wuxuu ahaa suuq aad u HAMI BADAN oo ay lacag badan ku bixiyeen.”
“Tusaale ahaan, Cody Gakpo wuxuu ahaa bartilmaameedkooda ugu weyn, laakiin xilligaas mar dambe lama heli karin. Waxaa jiray ciyaartoy kale oo ay doonayeen inay la soo saxiixdaan, laakiin taasi waa wax caadi ah. Koox kasta ma dhamaystiri karto suuq kaamil ah. Si kastaba ha ahaatee, Tottenham waxay sameysay MAALGASHIYO WAWEYN waxayna la soo saxiixatay ciyaartoy heer sare ah.”
“Marka fariinta Tottenham maanta waxay weli tahay mid muujinaysa KALSOONI AY KU QABAAN ROBERTO DE ZERBI. Xilligan ma hayo wax tilmaamaya in Tottenham ay sahminayso waddooyin kale ama ay raadineyso tababare kale.”
“Waxaa la ii sheegay in Tottenham ay wali aaminsan tahay tababaraha. Waxaa kale oo la ii sheegay inay Tottenham ogayd in arrintani ay WAQTI QAADAN DOONTO, Ma aha wax hal mar lagu beddeli karo. Koox ku jirta kaalinta 17-aad oo xilli ciyaareedkii hore kulankii ugu dambeeyay kaga badbaaday relegation, si lama filaan ah uguma boodi karto boosaska Champions League kaliya sababtoo ah waxay lacag badan bixisay.”
“Tottenham way ogayd inay tani noqon doonto HAB-SOCOD, mana aha wax mar walba si degdeg ah u dhacaya.
“Dabcan, dhammaantood, oo uu ku jiro De Zerbi, waxay lahaayeen filashooyin kala duwan. Kooxda, tababaraha iyo qof walba wuxuu filayay wax ka badan 2 dhibcood 5 kulan kadib.. Laakiin isla waqtigaas, waxay wali sii hayaan KALSOONIDA AY KU QABAAN HABKA AY U SOCDAAN.”
Warkii oo kooban Fabrizio waxaa uu Leeyahay Spurs Wax shaki ah kama qabto inay De Zerbi iska Ceyrinqyaan iyo in kale balse wali waxay muujinayaan ayuu Leeyahay Dulqaad iyagoo og wax walba Kooxdana Hoos usii dhaceysa balse weli waxay Aaminsan yihiin ayuu Leeyahay De Zerbi in Xaalada Meel wanaagsan uu keeni karo
Ani Fikradeyda Hadaan ma dhiibto De Zerbi waa Macalin Weyn Kooxda Tottenham-na waan la soconaa inay suuqa ugu Keeneen Ciyaartoy lacag badan kusoo qarash gareeyeen kaliya 5 Kulan ayaa Horyaalka la ciyaaray Xitaa Xagaagii Hore dhamaadkiis isaga kasoo gaaray inkastoo wax weyn uusan u qabanin balse U laabitaanka Heerka labaad waxuu ka mid ahaa ragii Spurs ka badbaadiye balse weli wuxuu u qalmaa fursad fiican in la siiyo, waxaan arkeynay Tottenham oo Xitaa Hal Gool inay dhaliyaan ku dhabaneyd isbuucyadii ugu Horeysay Ee Horyaalka Waxaaba Galabtaan iyo Kulankii Liverpool aan arkeynay inay Gool dhalis bilaabeen oo xitaa Galabta 2 Gool dhaliyeen
Waxaad arkeysaa isbedelo yar yar ah dhacaayo taasoo kooxda u sahlo karta Kor u kac sare maadaama wax walbo Hal Mar iska kaceynin kaliya waqti iyo dadaal lagu gaaraayo Heerkaa rabo, Tottenham Hadertaan waxyar madaxa waa soo kala qaadeysaa inkastoo ilaa Hada Hal Guul gaarin balse markaa Eegto sidey inay Gool ugu dhibanaayeen inay dhaliyaan hadertaana ay waxyar dhanbalmeen taas waxay ku tusineysaa korukac
Adiga Fikradaada nala wadaag De Zerbi miyuu mudan yahay in waqti xaadirkaan Spurs laga Ceyriyo mise in waqti uu kusoo kabsado la siiyo? Fikirkaaga dhanka Hoose👇
